النوايـا الصافيه

بقلم الشاعر عبد الكريم يونس

تعى! تَعى يا حبّ، علِّةْ هوى الأشواق جيبْ
غير الرِّيق السَماوي ما طرّى شفاف الحبيبْ
غيرك يا شاهدي ما خلَّى غُصن عُمري رطيبْ
غيْرك يا شاهدي ما داوى جُرح قلبي الكئيب
يا جُرح قلبي ع غياب داهش، سنيني نحيبْ
من كُتر أسفي ع غيْبتُو قبل وقتي رُحت شيبْ
شو فيها هالدِّني، غير شَـوْق معلّق باللَّهيبْ
غيْر غبرِةْ رضاك علينا، لا بتشْفي ولا بتْصيبْ
لَبّيْت ندا فؤادي، وقربك إلي بالطَيّب نصيبْ
بلِّغني رسالتَك، لا تتركني تايه، وأمري غريبْ
ونْ جيت، إكشفلك سـرّ قلبي، حظ ونصيبْ غيْرَك ما بيقربني قريب
وغيْـر حبّ رسالتك ما عندي حبيبِه، وغيرَك ما عندي حبيب
كوّنتني إبن القلم، عقل مُفكِّر، شاعر أديبْ
فيك داب هوى القلوب، وياما سطَّرلك مكاتيبْ
لكن بقي حرف شعري، يتيم، بتُم ديبْ
كُلما بقــي طيْف حُبِّي، عنك غريبْ مش قريبْ
متى لمّ الشمل، ع يدّك الطاهره، يا حبيبْ
بكون الحلا والأحلى يكون بطيبْ الملقى كلّ الطّيبْ
متْلك نِسا الكوْن، بالقريبّ ما بقا تجيب!
لكن جرح الهوى، ما بطيبْ، ولا بفيدو التقطيبْ
يا جامعنا حواليْـك شباب ومَشيب
شجعتني عن الشَّـواهد، تإحمل من تاني الصليبْ

*****

البعد عنَّك عيَّشني ع حرقةْ لهيبي
محروم عيْش الهنا مابين شبابي ومشيبي
عايش لوعات عمري غصيبي
ع باب رجاك خفِّف عذاب روحي الكئيبِه
راضي بقسمتي بحظي بنصيبي
راضي بنعمتي بنقمتي، وأكتر مابدِّك جيبي
يا دني فيكي هيْك حظي، والمكتوب مكتوب ما منُّو لا هروب ولا هريبِه
ومهما طُموحي يوسِّع مجالو حالتي عصيبِه
أملي يا بدور شاهد والشواهد عنَّا لا تغيبي
يا شمس عُمري الشاهدي لا تعجلي بمغيبي
قبلما تمِّم واجي وكفِّر عن ذنوبي الرهيبِه
بعض الأمل وكلّ الرجا هون بإيام تعذيبي
هونيك يخفّف عذابي، وإشرب آسى صبيبي
غريب بداري غريب وأكتر إيامي غريبِه
متعوي قلبي، وباقي العمر والأعمار تعِّيبِه
مرِّت سنيني بتجربِه يا سهامها صيبي
قلب مجروح ملوى الرُوح، إيامو مْصيبِه
قلب مجروح ملوى الروح حظي نصيبي
وقبالو يا شاهد الحقَّ، بهواك غرقان طيبي
غير التمسّك بمحراثك ما بكون طبيبي
التعلّق قناعه برسالتك، سَبَب طيب طيبي
لكن يا شاهدي مهما ظروفي عصيبِه
بعتبرها دافع أوَّل، ليقين كلِّي برسالتك وحافز تاني، لضل ع الشَواهد قريب
تحت عنوان، حد علمي يا سما بتضلي قريبِه وأكتر – أكتر علينا قريبِه